Sunday, November 20, 2011

ஒளிவிழி


நெளியும் புழுவும்
மட்கும் மதியும்
மருளும் கதியும்

காணா கண் உள்புகும் காண
பேணா ஊண் அவையமும் பேண

மேலும் கீழும்
புகலும் குழையும்
தாழும் திறனும்

கண்மேவ பொறியாகா உட்கண்
விண் பாய வினையாகா கொடுங்கண்

தினவும் வினவும்
விளையும் பிழையும்
களையும் கடையும்

இருகண் மங்கித் திரியும் மீகண்
ஒருகண் தாங்கி விரியும் வெங்கண்

அவிழும் கவிழும்
குலையும் கலையும்
அழலும் கழலும்

மறுகண் புரியா துதியில் படர்கண்
உருகண் மாறா சதியில் இடர்கண்

Monday, November 7, 2011

நூல் வெளியீட்டுப் படங்கள்

என் கவிதைத் தொகுப்பு நூலான 'அன்பின் ஆறாமொழி' நூல் வெளியிட்டில் சில காட்சிகள்:











தினமணி நாளிதழில் வெளியான செய்தி படம் கீழே:




Thursday, November 3, 2011

நூல் வெளியீடு:படங்கள்

என் கவிதைத் தொகுப்பு 'அன்பின் ஆறாமொழி' நூல் வெளியீடு நேற்று நடந்தது.

பாலம் பதிப்பகத்தின் சார்பில் இந்த நூல் வெளியிடப்பட்டது.

கவிதைத் தொகுப்பை எழுத்தாளர் திரு.இந்திரா பார்த்தசாரதி வெளியிட்டார்.
எழுத்தாளர் திரு.ஜமாலன் நூலைப் பெற்றுக்கொண்டார்.
திரு.இந்திரா பார்த்தசாரதி, திரு.ஜமாலன், கல்கி இதழின் துணை ஆசிரியர் திரு. அமிர்தம் சூர்யா நூல் அறிமுகம் செய்தார்கள்.

திரு.அர்விந் அப்பாதுரையின் 'திரு-பூர்வீக-சதிர்' எனும் நாவலை எழுத்தாளர் திரு.எஸ்.ராமகிருஷ்ணன் வெளியிட்டார். கவிஞர் திருமதி.தமிழச்சி தங்கபாண்டியன் நூலை பெற்றுக் கொண்டார். எழுத்தாளர் திரு.எஸ்.ராமகிருஷ்ணனும் கவிஞர் திருமதி. தமிழச்சி தங்கபாண்டியனும் நூலை அறிமுகம் செய்தார்கள்.

இந்த விழாவுக்கு வந்து சிறப்பித்த நண்பர்கள் அனைவருக்கும் நன்றி!