Sunday, April 12, 2015

சிக்கலுற

வண்ணத்துப் பூச்சியும் பறத்தலை
மறக்கும் சிறுநூலைக் கட்டி
வலையாய் விரித்து நீரில் ஆட
மீனின் வாயும் அதனைக் கவ்வி
சிக்கலுற வளையும் மீளல் இன்றி
சிரத்திலிருந்து வாலின் துடுப்பும்
இடையறாது பிணிய முடித்து
நீந்தும் திறனும் விடுத்து எடைகூடி
அமிழ்ந்து எழுந்து கடிந்தூர
சுற்றும் கயிறை நீக்கும் திசையறியா
வழிதவறலில் கல் புரண்டு
மண் புதைந்து கொடி நிரவி
வளியும் பழி தீர்த்ததாய் ஒப்புவித்து
குமிழி உடைத்து உருக்கொண்டு
ஆற்றுலும் வீணில் நிலைமாறி
ஈர்க்கும் விசையில் பயணித்து
நடுவன் குளத்து மிதக்கும்
அச்சக் கனவில் பரிதவித்து

No comments: