உயிராக்கம்

                                        குலுங்கும் சிறு கிளையில்

                                        துடித்துப் பார்த்தது சிறுகுருகும்

தலைகீழ் காட்சியாய்
      நீர்மேல் மலையும்
         அருவிமேல் விருட்சமும்
             விருட்சத்தில் முளைக்கும் விசும்பும்

தீப்பறவை போல் மிதந்து வந்த
பொறி கொள் மீன்
பற்றியது வனத்தை
வதனமும் கதற
மறைந்தன சிற்றொலிகள்

துரத்தும் அனலைத் தாண்டி பறந்தது காக்கும் வெளி தேடி-

       ஆட்டம் நிகழ்ந்தது
       குருவியின் நிழலொன்று
       கூத்தும் கூவ
       பாவைகள் பலவும்
       தொடரும் விதியில்    
       கூவலும் ஓரினமாய்
       அறிதலும் ஒருமையாய்

பதுமைகள் இணைந்து பல்லுயிர்
பெருக்கி ஒற்றை வடிவில்
இறையின் இறையுமாகி
சேவித்தார் அருளதனை
புதைக்கும் சிறுகல்குருவி இடத்து