பெரும் பாதம் பதிய
மலை முகட்டு சிரத்தை
அசைத்து குனியும்
பல்லாயிரத்து உயிர்
கடுகு சிறுத்த உணவும்
உள்ளங்களை நீளலும்
காணாத அகல்வாய்
பிளந்து கல்உருளும்
ஓசையில் எயிறும் சேர
உறக்கம் கனிய
ஊர்ந்து சரிய
கருநிழல் அண்டத்தில் வீழ
பகுதியாய் உள்ளொளியில்
உருவும் விளக்கம் பெறாது
ஒற்றை நிமிரலில்
கிரகங்கள் தாண்ட
பாறை நகரும்
சாயை விளம்பும் மாயத்தில்
உகிர் ஒன்று மரமானதாய்
என்பும் உயர் கோபுரமாய்
தொகுக்கும் சான்றுகள்
திகிரியின் அடுக்கமாய்
பிழைத்தது எச்சமாய்
சுருங்கியது குணத்தினதாய்
அரவமும் பேச்சாய்
விடமும் சிந்தையாய்
